Home › Tidak Ada Kategori करणी माता 'रंग रा दूहा ' {रंंग बावनी} 5 years ago 3 min read "करणी माता रंग बावनी " ||दोहा|| * गिण नहिं पावें गंग री,(ज्युँ)कोई लहर तरंग । (इम) अनत प्रवाड़ा आपरा, रंग मां करणी रंग ।।१।| * मेट सभी मरजाद जद, अध्रम प्रसारत अंग । (तद) जग तारण तूँ अवतरी, रंग माँ करणी रंग।। २।। * धरा आप धर ईशरी,सौळह कळा सुचंग। पितु मेंहा घर प्रगटियां,रंग माँ करणी रंग ।।३।। * उदर बसें निज मात कें, मास इक्किसां त्रंग। निज ईच्ोछा सूँ अवतरी, रंग मां करणी रंग ।।४।। * चँवदा सँवत् चम्मांळवें, शुक्कर वार सुचंग। (सुद) अशि्वन सातम अवतरी, रंग मां करणी रंग ।।५।। * सिर गुँथत सीधो कियोंं,विकरत भुवा अंग। (तद) करणी नाम कहावियों,रंग माँ करणी रंग ।।६।। *मुख अंगुलि निज म्हैल कर, हरियो जहर भुजंग। प्राण दान पितु नें दियों, रंग मां करणी रंग ।।७।। [ Next दोहे कल ] साता बीस सवार सझ, जावत शैखो जंग। भातों मग भौजन दियों, रंग मां करणी रंग।। दियों दरस पति दीप नें, दिव्य विशेंष विशेंष विहंग। (तद) ब्यांह रच्यो निज बहन सुँ, रंग माँ करणी रंग।। रोक्यों झट आदेश दें, उफणत पय अणढ़ंग । पूरण पय को घृत कियों, रंग मां करणी रंग ।। कैलू भर भर कौड सूँ, थाळ मौतिंयां थ्रंग। वर वधू रूप वधावियां, रंग माँ करणी रंग।। शुभ घड़ी लच्छूँ घण सह्यो, दर्द वृच्छिक तण डंक। वर दे बिच्छूँ बिडारियां, रंग माँ करणी रंग ।। पय काचो कर परसता, आप जळायों अंग। माँ न्याय अनोखो थें दियों, रंग मां करणी रंग ।। साठिकों तज के सगत, नैहड़ी बाल निशंग । थळी थान निज थापियों, रंग माँ करणी रंग ।। [Next दोहे कल ]
